Претставување на венецуелската кинематографија во Македонија

24.10.2017 08:27

Ревијата вечер од 20 часот ќе почне со филмот „Фамилија“ на венецуелскиот дебитант Густаво Рондон Кордова, кој победи на годинашниот фестивал Киненова. Филмот е прикажан на големи светски филмски фестивали, како Кан и Сан Себастијан.

Прво претставување на венецуелската кинематографија во Македонија преку ревија филмови од таа јужноамериканска земја ќе има во Кинотеката на Македонија од денеска до 29 октомври.

Организатори се Филмскиот фестивал Киненова и Амбасадата на Боливарска Република Венецуела во Софија.

Ревијата вечер од 20 часот ќе почне со филмот „Фамилија“ на венецуелскиот дебитант Густаво Рондон Кордова, кој победи на годинашниот фестивал Киненова. Филмот е прикажан на големи светски филмски фестивали, како Кан и Сан Себастијан.

Во наредните дена ќе бидат прикажани вкупно шест филма (пет играни и еден анимиран) од најновата филмска продукција во Венецуела.

Настанот ќе го отвори амбасадорката на Венецуела за Бугарија, Македонија, Црна Гора и Албанија, Ориета Капони.