Утврден идентитетот на двете починати лица од разбојништвото во менувачница во Кисела Вода

04.12.2017 14:47

дниот од напаѓачите бил македонски државјанин, осуденик кој бил на издржување казна затвор. Вториот починат е државјанин на Србија по кого била распишана потерница...

Утврден е идентитетот на двете починати лица при разбојништвото во менувачницата во Кисела Вода, соопшти Основното јавно обвинителство- Скопје. Едниот од напаѓачите бил македонски државјанин, осуденик кој бил на издржување казна затвор, но по слободниот викенд во март не се вратил во установата. Тој е извршител на петаесеттина разбојништва на банки, менувачници и обложувалници.

Вториот починат е државјанин на Србија по кого била распишана потерница поради претходно сторени кривични дела, кој се здружил со другиот напаѓач. Неговата идентификација е потврденба во соработка со надлежните српски институции.

Иако за обвинителството првично се утврдени потребните факти и докази што ја откриваат вистината и одговорноста за тоа што се случило, за да се потврди дали навистина сопственикот на менувачницата делувал во нужна одбрана, потребно е целосно прибирање на сите докази во предметот, по што ќе следи донесување на јавно обвинителска одлука- соопштуваат од обвинителството.