Даноци

Граѓаните електронски да се регистрираат во УЈП

12.09.2018 15:12

Сите физички лица што оствариле приходи, мора да се регистрираат на системот Е- персонален данок, апелира Управата за јавни приходи. И пензионерите кои примаат пензија, и вработените што имаат плата, мора електронски да испратат потврда, колку им се годишните приходи...

Од годинава, и луѓето кои добиваат само плата или пензија, како и сите други што имаат какви било приходи треба да се регистрираат по електронски пат во Управата за јавни приходи, на системот Е- персонален данок. УЈП очекува да се пријават над 400 илјади граѓани.

Обврзниците треба да ја добијат пополнетата годишна даночна пријава најдоцна до 30-ти април 2019-та година, а потоа ќе треба да ја  потврдат или да ја коригираат до 31-ви мај.

Граѓаните кои не се во можност да се регистрираат ќе треба да ополномоштат друго лице. Во електронскиот систем досега се регистрирани речиси 13,000 лица, а рокот е крајот на декември.

 

Дијана Ценевска