Препораки за заштита

09.08.2018 15:38

Да се избегнува директна изложеност на сонце во периодот меѓу 10 и 17 часот. Топлотниот бран што ја зафати земјава позначително се одразува врз ранливите групи граѓани...

Почитувајте ги препораките од Институтот за јавно здравје, апелираат од Итната медицинска помош. Главна препорака е да се иззбегнува директна изложеност на сонце во период меѓу 10 и 17 часот.

Се препорачува да се намали физичката активност во овој период од денот, да се носи лесни и светла облека и да се конзумира многу вода и други освежителни безалкохолни пијалоци. Листата на препораки е проширена и во дел на козумирање на храна.

Граѓаните знаат како да се заштитат од негативните последици на високите темпертаури, во најголем дел ги почитуваат препораките, особено кога се работи за најмладите. Но, кога е неопходно отстапуваат од тоа што им е познато. Мора да се пазари, мора да се платат сметките- велат тие. Сепак, не излегуваат без шише со вода.

Д-р Карабашиев од Итната медицинска помош вели дека оваа недела намален е бројот на пациенти, делумно бидејки се почитуваат препораките, но и поради тоа што голем дел од граѓаните се заминати на одмор. Дневно, тие опслужуваат меѓу 60 до 80 пациенти.

 

Марина Стојанова- Тонева