ОЈО оформи предмет по допрен глас за јавните набавки во Министерството за здравство

10.08.2018 12:07

Предистражната постапка е резултат на објавени написи од повеќе медиуми во врска со постапката за јавна набавка за биореагенси и тестови на крв, во износ од 35 милиони евра и за набавка на лекови од веледрогерија за потребите на јавните здравствени установи без тендерска постапка во износ од 24,6 милиони денари...

Јавното обвинителство за гонење организиран криминал и корупција по допрен глас поведе предистражна постапка за постапки за јавни набавки во Министерство за здравство. Оттаму велат дека постојат индиции за повреда на законот.

„Предистражната постапка е резултат на објавени написи од повеќе медиуми во врска со постапката за јавна набавка за биореагенси и тестови на крв, во износ од 35 милиони евра и за набавка на лекови од веледрогерија за потребите на јавните здравствени установи без тендерска постапка во износ од 24,6 милиони денари“, велат од Обвинитеството.

Оттаму додаваат и дека се преземаат сите потребни дејствија и координација со институциите, надлежни за откривање на овој вид на кривични дела.