Косово

Вучиќ: Сакаме јасни граници, но тоа не зависи од Србија

10.08.2018 12:34

Српскиот претседател Вучиќ во однос на разграничувањето со Косово изјави дека Србија „сака јасни граници, а не привремени“. Вучиќ оценува дека неговата идеја за разграничување не е нова и дека таа опција ја заговара со години.

Дали е на повидок решение на долгоодишниот спор за Косово преку размена на територии. Српскиот претседател Вучиќ во однос на разграничувањето со Косово изјави дека Србија „сака јасни граници, а не привремени“. Вучиќ оценува дека неговата идеја за разграничување не е нова и дека таа опција ја заговара со години. Тој порача дека на 4-ти ноември нема да има никакви избори, ниту референдум, како што прогнозира опозицијата, и додаде дека решението за Косово мора да биде сеопфатно.

Јас секако се залагам за разграничување со Албанците, и тоа е политиката што ја претставувам. Дали таа ќе ја добие поддршката од народот или не, не знам, но јас се залагам за тоа. Да имаме територија за која не се знае кој како ја третира и што на кому му припаѓа- тоа е секогаш извор на потенцијални судири и проблеми. Дали ќе успееме во тоа, тоа е веќе друга работа, не зависи од нас“, рече српскиот претседател Александар Вучиќ.

Претседателот на Косово, Тачи најави распишување референдум на кој граѓаните ќе се изјаснат дали се за спојувањето со регионот на Прешевската долина, претежно населен со етнички Албанци.

„Се обврзувам да постигнам договор и по барање на претставниците на Прешево, предложив корекција на границата со Србија, како единствена можност да се легитимизираат барањата на тамошните Албанци. Ова не значи поделба за Косово, ниту автономија за Србите. Корекцијата на границите значи целосно обединување на Прешевската долина, Медвеѓа и Бујановац, што мора да биде редовен, транспарентен процес. Доколку се постигне договор меѓу Косово и Србија, никој нема да биде против дијалогот“, изјави косовскиот претседател, Хашим Тачи/

Американската амбасада во Белград порача, време е учесниците во преговорите за конечниот статус на Косово да бидат креативни и флексибилни. Според нив, Белград и Приштина мора да предложат решение кое ќе биде единствено нивно. Вашингтон сака да се вклучи во изнаоѓањето заеднички договор.

Марина Ристова