Се разгорува воениот конфликт меѓу Саудиска Арабија и Јемен

10.08.2018 13:09

Сојузничката коалиција предводена од Ријад вчера возврати на нападите на Сана. Во Јемен беше ракетиран автобус во кој повеќето загинати се деца. Контролата врз теснецот во кој минуваат танкери со НАФТА од Кувајт, Саудиска Арабија, Ирак, преку Суецкиот канал до Медитеранот, најверојатна причина за војната...

Официјален Вашингтон бара темелна и транспарентна истрага за воздушните напади на коалицијата предводена од Саудиска Арабија врз Јемен. Од Стејт Департментот велат дека се загрижени поради информации се цивилни жртви.

„Не можам да ги потврдам сите детали бидејќи не сме на теренот. Можам да кажам дека навистина сме загрижени за извештаите според кои нападот завршил со смрт на цивили. Ја повикуваме колаицијата предводена од Саудијците да спроведе темелна и транспарентна истрага за инцидентот“, изјави Хедер Науерт, портпарол на Стејт Департментот.

Во нападот има десетици загинати и повредени, а меѓу жртвите има и деца.  Вил погоден и училишен автобус, во којшто се превезувале деца од летен камп. Многу од повредените се во критивчна состојба, па се очекува бројот на загинати да се зголемува.

„Нападот се случи среде пазарот и негова цел беше автобус што превезуваше деа. Нашите продавници беа отворени, а купувачите беа наоколу, како и вообичаено. Сите што беа убиени се локални жители, деца и сопсвеници на продавници“, велат очевидци на настанот.

Според саудиската државна новинска агенција, бомбандирањето претставувало легитимна воена акција,  согласно меѓународното и хуманитарно право. Коалицијата на чело со Саудиска Арабија, поддржана од Западот, соопшти дека цел на нападите биле ракетни фрлачи, и ги обвинија јеменските бунтовници дека наводно ги користеле децата како жив штит.

Стејт Департментот, пак, уверува дека обезбедуваат голема хуманитарна помош за Јемен за да го поддржат цивилното население и да го ублажат уништувањето на земјата. На забелешката дека покрај хуманитарната помош, САД обезбедува и огромно количество на оружје за Саудијците, портпаролката вели – како што знаете, Саудиска Арабија е значаен стратегиски партнер на САД од регионот.

 

Марија Котовска