Не стивнуваат пожарите во Калифорнија

10.08.2018 13:44

Во Северна Калифорнија, според националната метеоролошка служба се очекуваат 43 степени целзиусови, што ќе го олесни ширењето на огнот.

Не стивнуваат пожарите во Калифорнија. Високите температури предизвикани од климатските промени доведоа до огнените стихии. Во Северна Калифорнија, според националната метеоролошка служба се очекуваат 43 степени целзиусови, што ќе го олесни ширењето на огнот.

Во националната шума во Кливленд пожарот досега уништи 12 објекти, а опожарил и 6.200 хектари земјиште. Властите наредија евакуација на околу 7.000 станбени објекти во областа Риверсајд.

Околу 14 илјади пожарникари се борат со пожарите во Калифорнија. Од Пентагон истакнаа дека ќе испратат 200 војници на помош во борбата со пламените јазици.

Силни пожари има и во Европа, поточно во Португалија и во Шпанија.