Претставен план за прекин на огнот во Украина

Украинскиот претседател Петро Порошенко го претстави планот од 14 точки за прекин на огот и смирување на тензијата во земјата. Порошенко побарал итно разоружување и ослободување на заложниците.

Според ИТАР-ТАСС, рускиот претседател Владимир Путин изразил сериозна загриженост за воените операции на Киев во југоисточниот дел на Украина. Рускиот претседател разговарал и со францускиот колега Франсоа Оланд и со германската канцеларка Ангела Меркел за можно решавање на проблемот со украинскиот долг за рускиот гас. Меѓународната заедница со загриженост ги следи случувањата.

„Русија ги прегази меѓународните договори, приниципите суверенитет и територијален интегритет. Кремељ воведува правила од минатиот ве. Ние нема да го прифатиме тоа“, изјави Урсула Вон Дер Лејен, германски министер за одбрана.

Во меѓувреме продолжуваат борбите меѓу украинската војска и бунтовниците во Доњецката област. Украински офицери тврдат дека им нанеле тешки загуби на бунтовниците, а загинале и седуммина украински војници. Во борбите на истокот на Украина од април загинаа најмалку 360 луѓе, меѓунив и цивили.

Вкупната помош на Европската Унија и ММФ за спас на Украина  во 2014 ќе достигне 1,61 милијарди евра.

Марија Петковска