Енергетска ефикасност за заштита на Преспа
12.02.2014 11:48
Станува збор за проект кој има за цел да и помогне на општината да генерира значителни заштеди поради намалените трошоци за гориво и електрична енергија...
Во Ресен е во тек реконструкција на административната зграда на Општината со примена на најсовремените мерки на енергетската ефикасност.
Станува збор за проект кој има за цел да и помогне на општината да генерира значителни заштеди поради намалените трошоци за гориво и електрична енергија, како резултат на намалените енергетски загуби на објектот.
„Вкупната заштеда, која ја проценуваме на околу петнаесет илјади евра годишно, Општината има намера да ја преточи во инвестиции во животната средина и заштитата на Преспанското Езеро, што е наш врвен приоритет“, изјави м-р Ѓоко Стрезовски, Градоначалник на Општина Ресен.
Оваа активност се спроведува во рамките на Проектот за заштита на Преспанското Езеро кој Општина Ресен го реализира со финансиска поддршка на Швајцарската агенција за развој и соработка и УНДП.