Лекови ќе се продаваат и на бензински и во продавници
Денеска е објавена листата од 108 фармацевтски производи за болки, температура, реума, стомачни тегоби, витамини и други, што во најмали дози кои ќе служат за прва помош и самолекување на граѓаните...
Од денеска заинтересираните сопственици на продавници и бензиски пумпи со дозвола од Министерството за здравство ќе можат да продаваат лекови што не одат на рецепт. Денеска е објавена листата од 108 фармацевтски производи за болки, температура, реума, стомачни тегоби, витамини и други, што во најмали дози кои ќе служат за прва помош и самолекување на граѓаните.
Продавниците и бензинските што сакаат да продаваат лекови мора да имаат посебни рафтови, соодветна температура, квадратура и стандарди за чување. За населените места над 30 илјади жители, продавницата мора да биде над 100 квадратни метри, а бензинските над 30.
Дозволата ќе ја добијат од Министерството за здравство по симболична цена, а цените на лековите и витамините ќе ги формираат сами. Сепак ќе бидат контролирани од Бирото за лекови.