Повеќе информираност за пензионерите
21.02.2014 12:59
250 илјади пензионери ќе се запознаат со повеќе за прашања од здравственото осигурување и за превенцијата на хроничните заболувања. Ова е прва ваква едукативна работилница...
250 илјади пензионери ќе се запознаат со повеќе за прашања од здравственото осигурување и за превенцијата на хроничните заболувања. Ова е прва ваква едукативна работилница за пензионерите во соработка со фондот за здравство и црвениот крст. До крајот на годинава ќе има уште 14 вакви работилници. И првиот човек на сојузот смета дека информираноста е особено битна за овие лица.
„Интересот е луѓето од третата животно доба да бидат навремено и точно информирани и добро насочени, бидејќи само така ќе можат да имаат достоинствена старост, но и здраво стареење“, изјави Драги Аргировски- претседател на Сојузот на здруженијата на пензионерите.
Но, пензионерите ќе можат и активно да се вклучат за остварување на нивните права, најави директорката на Фондот.
„Ќе имаме презентација, интеракција и добивање одредени проблеми и предлози како да ги надминуваме и да разјаснуваме кои се правата на пензионерите“, вели Маја Парнарџиева Змејкова- директор на ФЗОМ.
Андријана Атанасовска