Прилепското обвинителство го затвори случајот Трескавец
Нема да поведе постапка против сторител за катастрофалниот пожар што пред една година до темел ги пеплоса манастирските конаци.
Нема основи за сомневање дека е сторено кривично дело.
Со доказниот материјал се потврдува – пожарот го предизвикала искра во затворениот преден дел на оџакот во собата број 6. Тлеела 20 ина часа, ја зафатила дрвената ламперија, го пробила подот и од долниот кат пламнените јазици молскавично ги зафатиле конаците.
Големите пропусти се направени при реконструкцијата на конаците по пожарот во 1990-та. Биле искористени постојните вековни оџаци со отворени камини во собите. Делумно биле затворени. Оставен е помал отвор - камара. Токму во затворениот дел тлеела искрата – виновникот за пожарот.
Сега се доработува новиот обемен проект за обновата на Трескавец, најавена летово. Предвидена е целосна заштита од пожари. Се чека последниот збор на Националниот конзерваторски центар
Новинар-Елизабета Митреска
Снимател -Илчо Димески