Грипот зеде нова жртва

60 годишен Струмичанец починал од грип. Тој е 10 жртва сезонава. Инфлуенца тип Б е причина за смрта, информираат од Клиниката за инфективни болести во Скопје каде што пацинетот 10 дена бил хоспитализран.

Тој во болницата бил примен со тешка клиничка слика и со повеќе хронични заболувања.

На Клиниката за инфективни болести во моментот се хоспитализирани 105 пациенти, од кои 6 се во потешка здравствена состојба и се лекуваат на одделението за интензивна нега.