Средношколци – идни новинари во посета на МРТ

Идните новинари во Mакедонија, традиционално повторно на гости во јавниот сервис. Средношколци од повеќе училишта имаа можност да се запознаат со начинот на работата на Македонската Радио- телевизија и целиот процес на подготовка на вестите. Некои од нив се пронајдоа во професијата новинар, презентер, снимател.

„Најмногу ми се допадна камерманството“, вели Панче Пренџов, средношколец.

„Интересно е да бидеш новинар, сепак во иднина би можела да пробам, ако имам шанса“, додава Тамара Велкова, средношколка.

„Новинарството е доста интересна професија, ме интересира“, вели Меланија Стојанова, средношколка.

Следните генерации новинари се запознаа со своите колеги кои се носителите на информативната програма на МРТВ. Поразговараа со долгогодишните новинари и уредници. Го видоа начинот на работа на снимателите, тонците и целата екипа заслужна за реализација на вестите.

„Домаќини сме на средношколци од повеќе училишта, ова е добра можност тие да се запознаат со начин на работа на медиумите, улогата на јавниот сервис, она што ние го работиме секојдневно. Ова е и еден добар поттик за нив доколку сакаат некогаш да се занимаваат со новинарство, да бидат сниматели и да бидат наши колеги“, изјави Мартин Пушевски, уредник во информативна редакција на МРТВ.

Посетата на средношколците од цела Македонија е во организација на Високата школа за новинарство.

Александра Спировска