„ПРИДРУЖИ МУ СЕ НА СВЕТОТ “ - Втора Полуфинална вечер на Евросонг 2014
Реден број „11“ за Македонија и Тијана.
Втората полуфинална вечер од 59 тиот по ред Избор за песна на Евровизија ќе биде под мотото „ Придружете му се на светот “, свет полн со национални и културни различности споени вечерва во музичкиот епицентар во Копенхаген.
Во првата полуфиналана вечер на годинашниов Евросонг во Копенхаген, Данците , ја покажаа сета моќ на телевизијата како медиум, приредуваќи вистинско незаборавно виртуелно доживување на сцената, којашто и самата е во форма на квадрат каков што е и дијамантот т.е логото на годинашниов евросонг.
Со помош на интелигентно светло и 3Д визуелизација со 3 000 рефлектори од кои 730 лед светла и над 1200 квадратни метри лед екрани, се продуцираат специјални анимации за настапот на секоја земја одделно.
Стручното жири на 15 те земји учеснички во второто полуфинале како и стручното жири од Германија, Италија и Обединетото кралство ги дадоа своите гласови во текот на генералната проба вчеравечер, па вечерва на ред се гледачите во овие земји.( инаку имињата на стручното жири беа објавени на официјалниот евровизиски сајт, а како гласал секој од нив ќе се знае во недела на 11 ти мај рано наутро..
Возбудени и полни со енергија,со верба за плсман во финалето, по двете одлични проби вчера и денес, нашите Тијана, Тамара, Пере, Димитар и Дејан со комплетната Македонска делегација ги проверуваaт и најмалечките детали за нашиот настап вечерва.
Македонските граѓани коишто живеат во европските земји кои заедно со Македонија настапуваат во второто полуфинале, може да гласаат за Тијана и Македонија преку нивните национални телеоператори со додавање на редниот број „11“ кога настапува Македонија..Во второто полуфинале покрај Македонија настапуваат уште и :
- Малта: Coming Home - Firelight
- Израел : Same Heart - Mei Finegold
- Норвешка: Silent Storm - Carl Espen
- Грузија: Three Minutes To Earth - The Shin & Mariko
- Полска: My Słowianie - We Are Slavic - Donatan & Cleo
- Австрија: Rise Like A Phoenix sung by Conchita Wurst
- Литванија: Attention - Vilija Matačiūnaitė
- Финска: Something Better - Softengine
- Ирска: Heartbeat - Can-Linn (feat Kasey Smith)
- Белорусија : Cheesecake - Teo
- Македонија : To The Sky - Tijana
- Швајцарија: Hunter Of Stars - Sebalter
- Грција : Rise Up sung by Freaky Fortune feat Riskykidd
- Словенија: Round And Round sung by Tinkara Kovač
- Романија : Miracle sung by Paula Seling & OVI
Денес во евровизиската агенда е уште една генерална проба со почеток во 15 часот, пред вечерашниот директен пренос на македонската телевизија којшто истовремено може да се следи и на Македонското Радио- Радио Скопје, но и радио телевизиските канали на сателитската прогарама на МРТ.
Вечерва по завршувањето на директниот пренос, на прес конференцијата на финалистите од втората полуфинална вечер ќе се изврши и извлекување на редните позиции на земјите за големото финале.
Кои 10 земји од втората полуфинална вечер ќе ги гледаме во големото евровизиско финале во сабота на 10 ти мај, ќе дознаеме вечерва во директниот пренос на Македонската Радио Телевизија којшто започнува во 21: 00 часот.
Каролина Петковска