Пендаровски на 65-годишнината од постоењето на ЈЗУ Специјализирана болница за геријатриска и палијативна медицина
Претседателот Пендаровски истакна дека за да ја исполни својата вистинска улога, македонскиот систем за социјална и здравствена заштита треба да учи од добрите примери и практики, а за тоа не треба да одиме подалеку од специјализираната болница за геријатриска и палијативна медицина „13 Ноември“.
Претседателот Стево Пендаровски заедно со сопругата Елизабета Ѓоргиевска присуствуваа на одбележувањето на 65-годишнината од постоењето на ЈЗУ Специјализирана болница за геријатриска и палијативна медицина „13 Ноември“-Скопје.
Во своето обраќање претседателот Пендаровски истакна дека за да ја исполни својата вистинска улога, македонскиот систем за социјална и здравствена заштита треба да учи од добрите примери и практики, а за тоа не треба да одиме подалеку од специјализираната болница за геријатриска и палијативна медицина „13 Ноември“.
ЈЗУ Специјализирана болница за геријатриска и палијативна медицина „13 Ноември“-Скопје е единствена јавна здравствена установа во Република Северна Македонија која работи во полето на геријатриската и палијативната грижа. Установата има за цел да ја следи состојбата, да проучува, евалуира, известува и планира проекцијата на идните здравствени потреби и функционалните онеспособеност на старите лица во институција и надвор од институцијата.