Обама на европска турнеја, ќе ги посети Полска, Белгија и Франција
Зацврстувањето и модернизацијата на НАТО ќе биде една од темите за кои американскиот Претседател Барак Обама ќе дискутира во Варшава на самитот со лидерите од Полска, Хрватска, Бугарија, Романија, Латвија, Естонија и Литванија...
Реафирмација на посветеноста на Соединетите Американски држави кон европските сојузници е целта на посетата на американскиот Претседател Барак Обама на Полска, Белгија и Франција од 3 до 5 јуни.
Зацврстувањето и модернизацијата на НАТО ќе биде една од темите за кои американскиот Претседател Барак Обама ќе дискутира во Варшава на самитот со лидерите од Полска, Хрватска, Бугарија, Романија, Латвија, Естонија и Литванија.
Украина и енергетската независност на Европа ќе биде главна тема на состанокот на Г7 во Брисел. Претставниците на седумте најбогати држави во светот ќе разговараат и за санкциите против Русија и Договорот за слободна трговија меѓу САД и ЕУ.
На 5 јуни ќе биде обележана 70-годишнината од инвазијата на американските војници во Нормандија клучна за победата во Втората Светска Војна, каде ќе престојува Барак Обама, но и рускиот Претседател Владимир Путин.
Американскиот Претседател планира да се сретне со Путин за да разговараат за ситуацијата во Украина.