Во Прилеп голем интерес за вакцинација против сезонски грип, се зголемуваат пунктовите
Прилепчани се заинтересирани за превентивна заштита на здравјето. Голем е интересот за вакцинација против сезонскиот грип. Од понеделник двојно се зголемуваат пунктовите во Центарот за јавно здравје. Има доволно бесплатни и комерцијални вакцини. Епидемиолошката слика се проценува за стабилна, соодветна на овој период…
Голем интерес на прилепчани за го заштитат здравјето со вакцинацијата против сезонскиот грип. За неполн месец се вакцинирани преку 1.500 граѓани. Има доволно вакцини, бесплатни и комерцијални.
И за граѓаните, посебно од ризичните групи, превентивата е најбитна.
Двојно се зголемуваат пунктовите во Центарот за јавно здравје за дневно да се имунизираат 240 граѓани.
Се живее и со корона вирусот, но нема компликации. Тестирањата кои укажуваат на 20 проценти позитивни случаи за четирипати се намалени.
Епидемиолошката слика во Прилеп се проценува за стабилна, соодветна на овој период на вирози.
Елизабета Митреска