Нов обид за затоплување на односите меѓу Скопје и Софија
Во посета на земјава е претседателот на Народното собрание на Бугарија, Росен Желјасков. Тема на разговорите со колегата Џафери-соработката, евроинтеграциите, уставните измени…
Довербата што се гради треба да се спротивставува на говорот на омраза. Гаранција за тоа е почитувањето на правата на бугарската заедница, а уставните измени се дел од тој пат, рече претседателот на бугарското собрание Росен Желјасков по средбата со Џафери. Гостинот истакна дека Бугарија ја поддржува нашата европска интеграција, но важно е по патот да продолжиме заедно со Албанија.
Двајцата функционери разговарале и за имплементација на договорот за добрососедство.
Желјасков и Џафери од Собранието заминаа во Археолошкиот музеј каде ја отворија изложбата „Сребрена Тракија“.
Изложбата која го претставува тракиското сребро познато по својата уникатност и изработка, досега била претставена во повеќе музеи во светот.
Анита Димитријевска – Велковска