Кишида и Џинпинг повикаа на реафирмирање на стратешките односи

На маргините на Самитот на Азиско-пацифичката економска соработка во Сан Франциско јапонскиот премиер Фумио Кишида и кинескиот претседател Кси Џинпинг повикаа на реафирмирање на стратешките односи. Според Пекинг и Токио, двете нации споделуваат заемна одговорност за глобалниот мир и просперитет.

Јапонија ја истакна загриженоста за зголемените воени активности на Кина околу Јапонија, вклучително и соработката со Русија. Во рамки на Самитот на АПЕК, претходно, американскиот претседател Бајден и кинескиот Кси Џинпинг на четиричасовната средба договорија обновување на односите.