Младите зборуваа, пратениците слушаа, одбележан Светскиот ден на детето

Децата на еден ден го преземаа Собранието и во улога на пратеници гласно зборуваа за проблемите со кои се соочуваат. И по три децении од официјалната соработка со УНИЦЕФ, децата во општеството немаат подеднакви права на образование, инклузија на деца со попреченост е сè уште предизвик, како и сиромаштијата и дискриминацијата. Од 3.209 предмети кај Народниот правобранител минатата година, 252 се однесувале на правата на детето. Биле поднесени околу 200 претставки.

Децата секогаш се први на удар и најчесто токму тие се жртви.

Спикерот Џафери изрази жалење од говорница што возрасните не изградиле побезбеден детски свет.

Иницијативата на децата пратеници е да се формира Национално Собрание на деца, кое ќе влијае на креирањето на политиките кои ги засегаат токму нив.

Александра Велинова