Писториус во посета на Киев

По посетата на американскиот секретар за одбрана, Лојд Остин и најавата за дополнителна помош од Вашингтон, во Киев ненајавено пристигна и германскиот министер за одбрана, Борис Писториус. Неговата посета доаѓа во момент кога Русија ги интензивира воздушните напади на истокот од земјата.

Две лица загинаа, а шест се ранети во регионите Херсон и Доњецк. Погодени се болница и рудник. Украинската противвоздушна одбрана соопшти дека во текот на ноќта успеала да собори девет руски дронови.