Заврши главната расправа за судењето на Мухамед Зеќири, пресудата закажана за 1-ви декември

Мухамед Зекири во завршните зборови побара ослободителна пресуда. Рече дека обвинителката не го докажа обвинението.

Објаснуваше дека постапил според заклучоците на Владата и дека тоа го потврдиле и сведоци. Обвинителката Коларевиќ побара да биде осуден за злоупотреба на службената положба и да му биде конфискуван имот за штетата што ја предизвикал со двата консултантски договори тешки над 1,3 милиони евра.

Според неа, тој ги пречекорил службените овластувања и наместо да спроведе јавна набавка незаконски склучил директни договори во двата случаи. Следниот петок Кривичниот суд ќе ја објави пресудата.