Лажна е пријавата за исчезнато дете на скопските клиники
Лажна е пријавата за исчезнато дете во Клиничкиот центар во Скопје. Полицијата извршила проверки на гинекологија, на детската клиника и кај матичниот гинеколог. Жената којашто пријавила воопшто не била бремена. Таа е приведена, министерот Спасовски порача дека институциите најстрого ќе ги казнуваат оние кои внесуваат немир и несигурност кај граѓаните…
Лажна е пријавата од жената за исчезнато дете на скопските клиники. Министерството за внатрешни работи и Обвинителството го расчистија случајот. Направените се проверки на гинекологија, детската клиника, но и кај матичниот лекар на жената која пријавила. Констатирано дека на клиника, таа последен пат била хоспитализирана во 2019-та година, а матичниот лекар во март утврдил дека не е бремена. Жената е приведена, но, загрижува што ваквите случаи зачестија изминатиов период.
Спасовски ги повика граѓаните да се информираат од релевантни извори, а не од социјалните мрежи за да се заштитат од лажните вести.
Министерот Спасовски апелираше дека оние што се служат со вакви лаги кои внесуваат немир и несигурност кај граѓаните ќе бидат жестоко санкционирани од страна на институциите.
Александра Спировска