Бојан Јовановски-Боки 13 доби прекин на затворската казна
Неговите адвокати неколку пати досега повикуваа да му се прекине казната бидејќи здравјето му е влошено. Веста ја пренесоа повеќе медиуми во земјава.
Бојан Јовановски-Боки 13 доби прекин на затворската казна, потврди неговиот адвокат Владимир Туфегџиќ. Неговите адвокати неколку пати досега повикуваа да му се прекине казната бидејќи здравјето му е влошено. Веста ја пренесоа повеќе медиуми во земјава.
Јовановски правосилно беше осуден на девет години затвор во случајот „Рекет“ за кривичните дела примање награда за противзаконито влијание и за перење пари. Во истиот случај на затворска казна од седум години е осудена и поранешната специјална јавна обвинителка Катица Јанева.
На Јовановски му се судеше и во случајот „Меѓународен сојуз“, каде што првостепено исто така е осуден на девет години затвор за кривичните дела измама и перење пари.