Power Gen Europe 2014: Сонце и ветер наместо нуклеарки

Развиените економии ја потврдија определбата за напуштање на нуклеарната енергија и нејзина постепена замена со обновливи извори. Германија останува на определбата до 2022 година да го зголеми учеството на обновливите извори во вкупното производство до 40%. Сепак, најголем проблем се големите инвестиции неопходни за реализирање на овие проекти.

Лани, потрошувачите на Германија платиле 23 милијарди евра за експанзијата на обновливите извори. Засега во фокусот е ветерната енергија, но проблем се пазарните цени, кои драстично се намалија поради растечките мерки за подобрување на енергетската ефикасност.

Саемот за енергетска опрема и инвестициски проекти Power Gen Europe (Пауер Џен Јуроп) во Келн, покажува дека најмногу штедат најбогатите земји, ја намалуваат потрошувачката на струја, а ја зголемуваат енергетската ефикасност.

Се очекува саемот да го посетат повеќе од 15.000 посетители, најмногу претставници на водечките  енергетски компании од целиот свет и енергетски експерти.

Свето Николовски, специјален известувач од Келн за МРТ