Независниот синдикат за здравство на протест, бара повисока плата за 30 насто
Независниот синдикат за здравство на протест. Бара повисока плата за 30 насто, нови колективни договори, трансформација на вработувањата од договор на неопределено време. Здравствените работници веќе два пати имаа предупредувачки протест на работните места со прекин на своите ангажмани, но очигледно надлежните немале слух што излегоа на улица...
Медицинската сестра Билјана Џонова на 31-ви декември ќе остане без работа ако не и биде продолжен договорот. Вели дека веќе е изморена од тоа дали ќе добие трајно вработување и како ќе продолжи да се грижи за своето дете. Пет години работи за само 18.000 денари. Во време на ковид-кризата била преместувана во повеќе здравствени установи.
Судбината и неизвесноста на Билјана ја делат уште 240 нејзини колеги во Скопје. Околу 2.300 вработени во јавните здравствени установи од 1-ви јануари ќе бидат без работа. Од Синдикатот бараат решение.
Не се откажуваат и од барањата за плус 30 насто на платата и нови колективни договори.
Независниот синдикат доби поддршка и од Конфедерацијата на слободни синдикати.
Вработените во јавните здравствени установи веќе два пати излегоа на предупредувачки протест пред клиниките и пред Министерството за здравство. Меџити неколку пати посочи дека за ново зголемување нема пари.
Наташа Јанчиќ Менковски