Групни набавки за заштеди во здравството
Нови заштеди во здравството најави ресорниот министер Тодоров.Забележани се различни цени на инфузионитераствори, кои ќе бидат изедначени преку групни набавки...
274 илјади евра годишно ќе заштедуваат 60 здравствени установи во земјава при набавка на инфузиони раствори. Министерството за здравство утврдило дека цената на овие препарати купени преку тендер била повисока, поради начинот на плаќање или набавената количина и затоа се одлучи на групни набавки.
Клиниките за кардиологија и детски болести кои преку тендер за дел од растворите имаат издејствувано уште пониска цена од групниот тендер нема потреба го менуваат изборот.
„За Клиничката болница Тетово заштедата за две години изнесува 3.113.000 денари околу 50 илјади евра. Со набавката на овие инфузиони раствори болницата во Прилеп ќе заштеди 2.723.000 денари, а болницата во Гостивар, 2.619.000 денари“, изјави министерот за здравство, Никола Тодоров.
Договорот за групни набавки ќе трае две години. Преку нив, ќе се набавуваат истите раствори.
60 здравствени установи во земјава по различни цени набавувале исти инфузиони раствори, со групните набавки цената ќе се унифицира.
Андријана Атанасовска