Почина американскиот актер Рајан О’Нил

Американскиот актер Рајан О’Нил, најпознат по улогата во филмот „Љубовна приказна“, почина на 83-годишна возраст. Рајан О’Нил е роден во 1941 година во Лос Анџелес.

Пред да почне да се занимава со глуми се занимавал со бокс, а актерската кариера ја почнал во 1964 година со улога во серијата „Гратчето Пејтон“, еден од првите телевизиски серијали со рекордна гледаност и популарност.

Актерот беше најпознат по неговите филмови од 1970-тите, вклучително и „Хартиена месечина“, каде глумеше со неговата ќерка Тејтум О’Нил.