Одбележан Меѓународниот ден на човековите права

Светот денеска го одбележува Меѓународниот ден на човековите права. На денешен ден пред 75 години на Генералното собрание на ОН во Париз беше прифатена универзалната декларација за човекови права, која е преведена на повеќе од 500 светски јазици. По повод годишнината се обрати генералниот секретар на ОН, Антонио Гутереш.

„Сите човечки суштества се раѓаат слободни и еднакви по достоинство и права“. Таа почетна реченица на декларацијата е исто толку важна и денеска како што беше кога беше усвоена пред 75 години. Таа овозможи да се запрат војните, да се излекуваат поделбите и да се промовира живот во мир и достоинство за сите луѓе. Но, светот се губи, конфликтите беснеат. Граѓанскиот простор се намалува, медиумите се на удар од сите страни, потенцира шефот на светската организација.