Кластерско здружување за развој на туризмот
Министерството за економија влезе во проектот на Обединетите нации за унапредување и развој на туристичките кластери во Македонија...
Охридскиот и тиквешкиот регион стануваат туристички атрактивни дестинации привлечни за туристите и надвор од сезоната. Министерството за економија влезе во проектот на Обединетите нации за унапредување и развој на туристичките кластери во Македонија.
„Ќе работиме со сместувачките капацитети, усгостителските објекти, винариите итн. Ќе овозможиме да се подигне квалитетот на туристичката понуда на Република Македонија и истовремено да генерираме нови приходи за оние коишто работат во секторот“, изјави Зоран Тодоровски, национален експерт на Агенцијата за индустриски развој на ОН.
„Ова е една голема поддршка од Обединетите нации кои наредните години ќе работат во областа на едукацијата во туризмот“, изјави Шефкет Јашари, државен советник во Министерството за економија.
Целта на работилницата е да се имплементираат искуствата од другите држави кои имаат развиени туристички региони, а претставниците од Словенија и Италија велат дека Македонија иако е мала држава претставува магнет за туристите.
Туристичките кластери ќе овозможат взаемно помагање и развивање на нашите туристички центри, кои ќе ги привлекуваат туристите во текот на целата година.