Избрани новиот бадникарски кум и здравичар
Здружението на граѓани коешто ја организира традиционалната прослава на Бадник во Скопје ги претстави новиот кум и здравичар Божидар Јанковски и актерот Анастас Тановски …
Скопските бадникари зачекорија во четвртата деценија спремни за традиционалната дружба и прослава на Бадник. Кумот кој ќе го понесе ќупот е бизнисменот Божидар Јанковски, а здравицата на платото пред Соборниот храм ќе ја каже актерот Анастас Тановски – Таше.
Организаторите велат дека и оваа годинава кумот и здравичарот кои се избрани со своите дела оставиле белег во историјата на главниот град.
В недела напладне во месноста Краста одборот за прослава на Бадник на своите сограѓани ќе им ги претстави кумот и здравичарот, а ќе се сечат и делат бадникови гранчиња. Централната прослава ќе се одржи на 6-ти јануари на платото пред Соборниот храм во центарот на Скопје.
Ана Јосифоска Тодоровска