Пензионерите на протест пред Собрание, бараат линеарно зголемување на пензиите

Последниот период од животот сакаме да го минеме достоинствено, а со овие пензии едвај преживуваме, порачаа пензионерите од цела држава кои дојдоа на протестот пред македонското Собрание.

Тие, меѓу другото, бараат линеарно зголемување на пензиите од 5.000 денари, а минималната пензија да биде минимум 18.000 денари. Пензионерите изразуваат и незадоволство од владините антикризни мерки.

Барањата кои се веќе доставени до Собранието, добија поддршка од опозицијата. Пензионерите ги повикаа пратениците законот да биде донесен пред изборите.

Марија Котовска