„Да подариме насмевка“ по шести пат на Детската клиника во Скопје

Пепелашка, Медо, Спајдермен, Бетмен – јунаци од цртани филмови и бајки заедно со Дедо Мраз ги израдуваа дечињата од Детската клиника во Скопје. Со јажиња се спуштија на балконите и измамија насмевки. Малите пациенти добија и новогодишни пакетчиња.

Традиционалниот настан „Да подариме насмевка“ е волонтерски и се одржува по шести пат, велат од Црвениот Крст.

Директорката на клиниката, Стојка Нацева-Фуштиќ, информираше дека во моментов на болничко лекување се наоѓаат околу 80 дечиња.

Александра Спировска