Советот на јавни обвинители утре треба да избере привремен наследник на Јовески

Советот на јавни обвинители утре треба да избере привремен наследник на актуелниот републички јавен обвинител. Вршителот на должноста ќе го замени Љубомир Јовески, кому в понеделник му истекува мандатот.

Тој ќе се избере од редот на републичките обвинители и ќе биде на функција до изборот на нов републички јавен обвинител.

На огласот за наследник на Јовески се пријавени тројца кандидати: Лидија Раичевиќ, Фатиме Фетаи и Љупчо Коцевски, а постапката за избор е во тек.