Случај „Монструм“: Завршни зборови на одбраната

Во скопскиот Kривичен суд, завршни зборови на одбраната за случајот „Монструм“. Пред неколку дена обвинителството, во завршните зборови, побара најстрога казна за обвинетите.

Случајот „Монструм“ влезе во судницата на 20-ти декември 2012-та година, а на обвинителната клупа тогаш седнаа тројца од обвинетите: Сејди Рами, Фејзи Азири и Агим Исмаиловиќ, додека Алил Демири и Африм Исмаиловиќ се уште се недостапни за македонските органи. Издржуваат казна затвор во Косово, за недозволена трговија со оружје. Се чека на нивната екстрадиција.

Седуммина се обвинети дека го организирале, давале логистичка поддршка, а тројца од нив директно го извршиле убиството на 12-ти април 2012 година, на 5 лица кај Смилковското езеро.