Нема решение за ангажираните со договор
На една недела пред завршување на годината, нема одговор за 2.500 лица кои чекаат на неопределено да бидат вработени во здравството. Министерот Меџити вели дека не се откажува додека не ја постигне целта...
Медицински сестри, лаборанти, болничари, хигиеничари околу 2.500 ангажирани во јавните здравстви установи живеат во неизвесност. Уште 5 работни дена до Нова година, но не се наѕира решение за оние кои веќе пет години работат без платено здравствено и пензиско осигурување.
Иако времето истекува, министерот за здравство е оптимист, вели ќе најде решение.
Министерот за финансии којшто деновиве беше посочен како кочничар за вработувањата во здравство вели, се усогласуваат бројките и се бара решение. Според првиот финасиер Бесими, од први јануари со стапување во сила на децентрализација на вработувањата ова прашање ќе може да си го реши министерот за здравство.
Наташа Јанчиќ-Менковски