Албанската опозиција ќе го бојкотира Собранието, ако не добие член во ДИК до 31-ви декември

Опозиционерите од албанскиот кампус, здружени во коалицијата Европски сојуз за промени, упатија ултиматум до Владата – ако не добијат член во Државната изборна комисија до 31-ви декември, тие ќе го напуштат и ќе го бојкотираат Собранието.

Гаши, Меџити и Касами порачуваат дека нема да дозволат да им биде одземено правото да имаат свој претставник во ДИК, бидејќи изборите мора да бидат законски спроведени.

Тие ќе притискаат и со гласањето за Талат Џафери да биде премиер во техничката влада, оти според нив, без да се разјасни работата за ДИК и за фер и демократски избори нема простор да се зборува за други работи.

Проблемот со испразнетото место во Државната изборна комисија настана откако Алијансата на Албанците влезе во Владата, а тоа столче е всушност резервирано за опозицијата.