Католиците и дел од православните вечер го празнуваат Бадник, во пресрет на Божик

Христијанските верници кои се водат по новиот, Грегоријански календар денеска го слават Бадник, ден пред рождеството христово - Божик. Во земјава, централната прослава по повод празникот ќе се одржи во Католичката црква „Пресвето срце Исусово“ во Скопје.

Светата Божикна литургија ќе ја предводи бискупот скопски и струмичко-скопски епарх, монсињор Киро Стојанов.

Македонската телевизија вечерва ќе врши директен пренос од мисата. Божик утре го слават и грчката, бугарската, романската, украинската, како и грузиската православна црква кои го прифатија Грегоријанскиот календар.

Преостанатиот православен свет, кој се води по Јулијанскиот календар, меѓу кои е и нашата црква, Божик го празнува на 7-ми јануари.