Честитка од министерот Спасовски до граѓаните од католичка вероисповед по повод празникот Божик
Министерот за внатрешни работи Оливер Спасовски упати честитка до граѓаните од католичка вероисповед по повод големиот христијански празник – Божик, со желби за здравје, просперитет и благосостојба...
Радувајќи се на Христовото раѓање како светла иднина за човештвото, да се ориентираме кон единството и солидарноста, во духот на христијанската порака за љубов меѓу ближните.
Нека Божјата милост кон човекот ни го осветли патот кон позитивните вредности и нè обедини, да се разбираме и почитуваме меѓу себе, заедно да градиме мир во нашето општество, со свој придонес кон колективното добро да обезбедиме иднина за сите.
Посакувам радосни празнични моменти, нека Божикната благодат донесе благослов и спокој во сечиј дом!
Христос се роди! Честит Божик! - стои во честитката упатена од министерот.