Намалена видливост на дел од државните патишта поради магла

Сообраќајот на државните патишта се одвива непречено во зимски услови, по наместа влажни коловози. 

Намалена видливост поради појава на магла од 50 до 100 метри има на патниот правец Скопје – Катланово, до 50 метри на патниот правец Катланово – Велес, од 100 до 150 метри на патниот правец Неготино – Д. Капија и од 70 до 100 метри на патниот правец Д. Капија – Удово.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.