Бројките на семејно насилство го вклучија алармот

46 проценти од жените во Македонија биле жртви на психолошко, физичко или сексуално насилство. Бројките го вклучија алармот. Проблемот почнува дома и на училиште, филозофијата на ненасилство мора да стане дел од образовниот процес, укажува професорката и пратеничка Силјановска – Давкова.

Министерката за труд и социјала смета дека превенцијата е клучна.

Статистиките покажуваат дека мажите се почесто жртви во јавниот простор, а жените во приватниот простор или семејството. Онаму каде што треба да се чувствуваат најбезбедно.

Закони има, ама треба да се промени и судската практика. Мал дел од предметите, чијшто број постојано расте, завршуваат со затворски казни.

Потребни се континуирани кампањи за подигање на јавната свест, но и повеќе центри за згрижување жртви од семејно и родово – базирано насилство.

Александра Спировска