Ковачевски на потпишување на договор за реконструкција на студентските домови „Стив Наумов“ и „Кузман Јосифовски Питу“

Претседателот на Владата Димитар Ковачевски денеска ќе се обрати и ќе присуствува на потпишувањето на договорот за реконструкцијата на студентските домови „Стив Наумов“ и „Кузман Јосифовски Питу“ во Скопје. 

На настанот обраќања ќе имаат и Јетон Шаќири, министер за образование и наука, Штефен Худолин, Вршител на Должност Амбасадор на ЕУ и Ото Граф, заменик амбасадор на СР Германија, по што ќе биде потпишан договорот.

Како што најави владината прес-служба, реконструкцијата е во рамки на Проектот за енергетски ефикасна рехабилитација на студентските домови во Република Северна Македонија, со кој се опфатени сите девет државни студентски домови во Скопје, Прилеп, Битола, Штип и Охрид.