Илјадници луѓе на протест во Белград додека тече прегласувањето за вонредните парламентарни избори
Илјадници луѓе излегоа на улиците во Белград, бараат поништување на изборите. Денеска во Србија почна гласањето на 35 избирачки места...
И додека во Србија денес 15.000 граѓани повторно гласаат на 35 поништени бирачки места, опозиционата коалиција „Србија против насилството“, истите ги бојкотира, и одржа масовен протест на Теразије, во центарот на Белград.
На протестот, на кој беа повеќе илјади граѓани, организаторите од иницијативата „Проглас“, интелектуалците, студентите и лидерите на опозицијата упатија порака за поништување на изборите и одржување нови избори, по прочистувањето на избирачкиот список.
Следните чекори на опозицијата се продолжување на протестите, борба во државните институции и барање поддршка од меѓународната заедница.
„Овој проблем е работа која треба да ја решаваат луѓето во Србија. На институциите многу не сметам бидејќи тука владее политичка проституција, а меѓународната заедница нека се запраша, дали ова што се случува овде би го дозволиле Германицте, Французите, Италијанците, Американците. Ние нема да отстапиме“, изјави Александар Јовановиќ-лидер во „Србија против насилството“.
Истовремено, Републичката изборна комисија, денес, по приговорите реши на 2 јануари да има ново прегласување на уште 8 избирачки места, а претседателот Александар Вучиќ најави дека Собранието и новата влада ќе бидат формирани до крајот на февруари.
Граѓаните по митингот продолжија со прошетка и блокада по централните белградски улици се до Вишиот суд.
Оливер Бранковиќ