Поддршка за земјоделците во 2023 година
2023 година земјоделците ја завршија со над 150 милиони евра финансиска поддршка. Исплатените пари се од повеќе програми. За директни плаќања, за рурален развој, рибарство и аквакултура, интервентентниот фонд, за поттикнување на потрошувачка на свежо овошје и од европскиот ИПАРД.
Во текот на 2023 година, од вкупната реализација на Програмата за директни плаќања е исплатата на 127 милиони евра. Програмата за рурален развој достигна над 11 милиони, а за поттикнување на потрошувачката на свежо овошје и зеленчук близу 500.000 евра.
Од интервентниот фонд на фармерите на сметка им легнаа скоро 5 милиони, а од ИПАРД 2 во 23-та 13,3 милиони евра. Со ова во земјоделскиот и секторот за производство на храна се исплатени вкупно 157 милиони евра.
Финансиска поддршка од 403 милиони денари добија 22.000 полјоделци, а 10.000 денари по хектар добија и производителите на градинарски култури. За оваа цел беа издвоени 65 милиони денари за повеќе од 9.150 корисници.
Над 9.000 овоштари се поддржани со 132, а за одржување на лозовите насади следуваа 150 милиони денари.
Млекопроизводители имаа финансиската поддршка за произведено и предадено кравјо, овчо и козјо млеко од октомври 22 до април 2023 година. За премијата за млеко се потрошени 278 милиони денари.
Финансиски е поддржан и проектот за дистрибуција на свежо овошје, односно праски, кајсии, јаболка, сливи и круши за 38.000 деца од градинките.
Со прв објавен јавен повик лани стартуваше и ИПАРД 3 со буџет од 30 милиони евра.
Методија Трајков