Обреновец: Македонец апелира за помош

Во Обреновец водата се повлече. Животот полека се враќа. Но, за македонскиот државјанин Милан Ристевски, инвалид со 8 члената фамилија помошта и проценката на штетата никако да дојдат.

И тој ги преживеа страотиите од катастрофалната поплава!-

„Во 6 часот наутро, одеднаш за половина сат наиде вода висока 3-4 м. Ние избегавме на покривот. Но, во таа буица почина сопругата на мојот работник“, вели Ристевски.

Домот и дуќанот на Ристевски 17 дена биле 3 метра под вода. Сега има само голи ѕидови и спомени на фотографии, без средства за егзистенција. Струја, храна и питка вода нема, а фамилијата е згрижена кај роднините во Војводина.

„Кога после 17 дена дојдовме да чистиме, сеуште имаше вода. Плачевме колку ми беше мака. 10 лица ја носевме  покуќнината и ја фрлавме. И паркети и ормани. Се, се- е исфрлено! Ништо повеќе немам! Ништо! Тоа е се што беше и готово!“, вели Ристевски.

Ристевски штетата ја проценува на 100.000 евра. Сака фамилијата да ја префрли во Македонија, во неговото Доленци- Демирхисарско! Тој апелира за помош! Немам ништо освен голи ѕидови -вели тој!

„Никаква помош немам добиено! Од Р.Македонија, сакам-доколку може, било каква помош да добијам, да обезбедам услови за живот и децата да ги школувам“, додава Ристевски.

Преставници на Македонската амбасада, носејќи првична помош ја посети фамилијата Ристевски, ветувајќи повеќе подршка.

„Како амбасада првично што можевме да донесеме-донесовме. Но, во соработка со македонската влада сакаме уште помош да пратиме.Таа помош ќе биде таргетирана.Тоа што може-ќе помогнеме“, изјави Марјан Јовановски, Конзул на Р.Македонија во Белград.

И Националниот совет на Македонците во Србија сите денови на поплавите активно е вклучен во собирањето помош.

„Ние Македонците од Р.Србија, здружено сакаме да помогнеме на сите македонци кои настрадаа во поплавите. Денеска сме во Обреновец. Ќе ги посетиме и другите места-Краљево, Свилајнац...секаде каде имаме загрозени македонци, со цел да видиме што е она што им е најпотребно за помош, за да им помогнеме што побргу да се вратат во нормалниот живот“, изјави Борче Величковски, претседател на Националниот совет на македонците во Србија.

Оливер Бранковиќ