Трошоците за живот лани повисоки за 9,4 проценти

Месечните трошоци се зголемуваат, синдикалната потрошувачка кошничка сѐ поскапа. Не го издржува товарот на моменталните месечни примања на граѓаните, зашто трошоците не се покриваат со минималните плати и се преку 53.000 денари. Синдикатот и граѓаните бараат повисоки плати, а помали на функционерите. Оваа изборна година се нуди само усогласување за минималната плата во март.

Две минимални плати не може да му ги покријат и најосновните месечни трошоци на четиричлено семејство. Ова го покажа новата методологија за пресметка на синдикалната кошничка за декември. Уште помалку, ако плаќа станарина и ако е јануари, најскапиот месец. Трошоците се зголемени за преку 13.000 денари во споредба со 2022-ра година. Граѓаните се чудат, како ќе се преживее без поголеми плати и пензии.

Најголемиот револт доаѓа од одлуката на Уставниот суд за 78 проценти повисоки плати на функционерите. Синдикатот и покрај барањата за законски измени во Собранието, не наиде на слух кај пратениците.

Прашањето за поголеми плати се усложнува во оваа изборна година.

Инаку, според најавите на надлежните, во март, со усогласувањето се очекува да се зголеми минималната плата на 22.500 денари.

Елизбета Митреска