Маж починал од струен удар во Маркова Сушица

Дваесет и осумгодишник со иницијали М.Д. од скопското село Елово, викендов бил пронајден мртов во објект во селото Маркова Сушица лоцирано во околината на Скопје.

Случајот бил пријавен во Секторот за внатрешни работи (СВР) Скопје во петокот, 12-ти јануари.

Телото на 28-годишникот било предадено на обдукција, по што било констатирано дека смртта настанала како последица од струен удар.