Деветчлено семејство живее од сточарство

Вредните раце на 43 годишната Афродита од селото Лактиње изгледаа седум деца. Има пет ќерки и два сина. Сточарството и овозможи пристоен живот, вели горда е што живее на село.

Бере печурки и други шумски плодови се што може да го подобри домашниот буџет.

„Се што ни е изградено и куќата и шталата е изградено од сточарството ,има приход и не треба да се жали никој.Треба сите да се вратат“, вели Афродита Дуковска, сточар.

Дома го најдовме само Никола тој е најмалото дете. Негови врсници во селото се бројат на прсти.

„Мачиња ги галам зошто немаат мајка“ – вели петгодишниот Никола.

Другите деца на Афродита се школуваат во градот. Тие ќе бидат идни лекари, полицајци и попови. Најголемата ќерка има 24 години.

„За децата да се воспитаат треба да одвоиме време и не треба да бидеме себични, тоа е љубовта, а не материјалното“, вели Афродита Дуковска.

Семејството Дуковски планира дваесетте кози да ги зголеми, да го прошират бизнисот да земат уште субвенции - со надеж дека некое од децата ќе остане на татковото огниште.

Дијана Ценевска